MOTIV

Direkte frå fyrste FS-møte

Stian Seland — Wed, 02 Sep 2009 08:30:12 +0000

MOTIV bloggar direkte frå det fyrste ordinære forbundsstyremøtet i perioden 2009-2001 på Kirkevik.
Frå torsdag 4. september rundt klokka 19:00 til møteslutt søndag vil du på denne sida få oppdateringar frå MOTIVs representant på FS-møtet på Kirkevik. Det nye forbundsstyret skal handsame mange spennande saker, som utvalsstruktur, endeleg konstituering, strategiske anbefalingar, detaljert arbeidsplan for perioden, møteplan, styreoppnemningar, representasjon i ulike styre og mykje meir.

Har du lyst til å kommentere møtet kan du skrive ein kommentar under (som må verte godkjend før publisering) eller du kan tvitre på Twitter med kodeordet #juventefs.

Dersom du ynskjar å få ei påminning om “direktesendinga” kan du skrive inn e-postadressa di i boksen under.
Juventes forbundsstyremÃ¸te 3.-6. september

Redaksjonsutvalet er oppnemnt

Stian Seland — Tue, 01 Sep 2009 12:24:24 +0000

Foto: http://www.flickr.com/photos/copiloto/ / CC BY-NC-ND 2.0

Stian Seland (19)

Stian er ansvarleg redaktør av MOTIV og er leiar av redaksjonsutvalet. Han skal i tillegg vere MOTIVs representant på forbundsstyremøta. Stian har vore MOTIV-redaktør det siste året og var redaktør av KONTRASTEN på Kontra. Han er det komande året sivilarbeidar på Juventes forbundskontor.

Liv Hauge Norheim (20).
Liv er ny som medlem i redaksjonsutvalet og skal vere økonomiansvarleg for MOTIV i det komande året. Ho har brei erfaring frå drift av lag, krins, frå forbundsstyre og landsmøte/leirnemnd. I tillegg til å bidra i MOTIV vil den primære oppgåva hennar å få skikk på økonomien og skaffe annonsørar.

Eivind Marienborg (25).
Eivind er tidlegare fast bidragsytar og redaktør av MOTIV, og tiltrer no redaksjonsutvalet som fotoredaktør, med ansvar for kvalitetssikring av foto i bladet og på nett. Som tidlegare forbundsleiar har Eivind brei erfaring innanfor organisasjonen og vil tilføre utvalet mykje erfaring.

Petter Holstad (15).
Petter er ny i redaksjonsutvalet og tiltrer no som redaktør for radio. På Kontra var han medlem av redaksjonen til avisa KONTRASTEN og redaktør for Radio Kontra. I tillegg er han økonomiansvarleg i Juvente Vågsfjord og styremedlem i Trofoten krets.

Øyvind Kind Robertsen (16).
Øyvind sat i redaksjonsutvalet i førre periode og er no klar for eit år til. Han er i tillegg nestleiar i Juvente Vågsfjord og økonomiansvarleg i Trofoten krets. På Kontra var han medlem av redaksjonen til avisa KONTRASTEN og teknikar i Radio Kontra.

Hilde Thoresen (16).
Hilde er ny i redaksjonsutvalet. Ho er medlem i og sit i styret til Juvente Ås, og er eit særs aktivt Juventemedlem. Tidlegare har Hilde vore redaktør av skuleavisa på skulen hennar, og no skal no bidra fast i MOTIV.

Hogne Vangen (19).
Hogne er ny i redaksjonsutvalet. Han har bakgrunn frå Juvente Trysil og har sete i styret til HedOpp, og skal drive spalta “Hogne reiser”.

Stian Seland attvalt som redaktør

Stian Seland — Mon, 17 Aug 2009 07:43:34 +0000

7. august gjekk Stian Seland av som MOTIV-redaktør, etter at han hadde hatt vervet sidan juni 2008. Forbundsstyret, i samråd med valnemnda, valde over straumpost å gi forbundsleiar til å forhandle fram ei ny redaktøravtale med Stian, med funksjonstid på eit år.

- Eg gler meg til eit nytt år med MOTIV, seier Stian i ein kommentar til seg sjølv. Han har nett byrja arbeidet med å velje eit redaksjonsutval, som skal drive MOTIV i året som kjem. – Utvalet eg skal velje vil reflektere dei endringane MOTIV står overfor. Det må gjerast ein jobb for å skaffe pengar til å gi ut bladet. I tillegg ynskjar eg i det komande året å prøve nye alternative kanalar, avsluttar han.

Har du lyst til å jobbe med MOTIV? Ta kontakt med Stian på motiv@juvente.no.